Accessibility links

Кайнар хәбәр

Qazanda «Şaxter» futbol klubı prezidentı Rinat Äxmätov bulıp kitte


Sişämbe, 10 dekaber könne, Qazanda Ukrainanıñ «Şaxter» futbol klubı prezidentı Rinat Äxmätov bulıp kitte. İnde xäbär itkänebezçä, küptän tügel Tatarstan delegatsiäse Ukrainanıñ Donetsk şähärendä bulıp qaytqan ide. Anda respublika wäkilläre Rinat Äxmätov belän dä oçraştılar. 10 dikäberdä ütkän säfär tatarstanlılarğa cawap säfäre. Rinat äfändene aeroportta respublika premyer-ministrı Röstäm Miñnexanov, Qazan şähäre başlığı Kamil İsxakov qarşıladılar. Qazan kremlendä anı Mintimer Şäymiev tä qabul itte. Oçraşu waqıtında süz sport ölkäsendä xezmättäşlek, Ukrainanıñ «Şaxter» häm Qazannıñ «Rubin» futbol komandaları arasındağı xezmättäşlek turında barğan. Räsmi xäbärlärgä qarağanda, Rinat äfändeneñ kilüeneñ töp säbäbe dä «Rubin»nıñ xäle belän yaqınnan tanışu. Xäyer, oçraşu waqıtında sport teması belän genä çiklänmägännär. Äytergä kiräk, Rinat Äxmätov tanılğan eşmäkär dä. Şuña kürä ul Mintimer Şäymiev belän sportta ğına tügel, ä başqa ölkälärdäge xezmättäşlek mömkinlekläre dä tikşerelgän. Donetskidan kilgän millättäşebezgä kürsätelgän xörmät şunıñ belän dä añlatıladır, möğayen.
XS
SM
MD
LG