Accessibility links

Кайнар хәбәр

Çeçen xalıqları qorıltayında Çeçnyә Rusiәneŋ ber өleşe diğәn eçtәlektәğe mөrәcәğәt kabul itelde


Bügen Groznıyda Çeçen xalıqları qorıltayı açılırğa tieş ide. Әmma ul respublikanıŋ başqalasınnan Gudermeska küçerelde. Çeçen xakimiәtlәre belderğәnçә, bu - qorıltay imin şartlarda ütә alsın өçen eşlәnde. Qorıltayda Çeçnәdә yәşәüçe millәtlәrneŋ hәm Rusiәneŋ tөrle tөbәklәrennәn kilğәn çeçen mәxәlәlәreneŋ, barlığı 400 artıq wәkile qatnaştı. Rusiә xaqimiәtlәre tarafınnan oyıştırılğan әlege cienda respublikadağı vәzğıәt, çeçen mәs`әlәsen xәl itü yulları, referendum ütkәrü mөmkinlege tiqşerelde. Rusiә Prezidentı Vladimir Putin şuşı forumda qatnaşuçılarnı qotlap, "delegatlarnıŋ tөrle qatlamnnarnı wәkilçelek itüwe Çeçen respublikasınıŋ Konstitutsiәsen, bөtenxallıq referendumın ütkәrü mәs`әlәsen hәryaqtan tikşererğә mөmkinlek birәçәk" dide, dip xәbәr itә ITAR-TASS agentlığı. Qorıltayda Rusiә xalıqlarına yunәltelğәn hәm Çeçnә Rusiәneŋ ber өleşe diğәn fikerne alğa sөrğәn mөrәcәgat qabul ittelde. Çeçennәr üzlәren rusiәlelәr dip sanıy hәm berdәm federal qanunnar nigezendә yaşәrğә teli, dielә anda. ITAR-TASS agentlığına birğәn әŋğәmәsendә, Çeçen administratsiәse başlığı Әxmәt Qadırov "Respublikadağı xәl şundıy ki, Çeçnәdә Konstitutsiә mәs`әlәsendә refendum da, Prezident hәm parlament sawlawların da ütkәrep bula", dide.Qorıltayda Çeçen respublikasınıŋ konstitutsәyse hәm sawlawlar turındağı qanunnarnıŋ өlgese tәqdim itelde. Şul uk kөnne qorıltay üz eşen tәmamladı.
XS
SM
MD
LG