Accessibility links

Кайнар хәбәр

Tatar zıyalıları latunğa qarşı qanun…


Yazuçı, cämäğät eşleklese Rabit Batulla Rusiädä Tatarstannıñ latinğa küçüenä qarşı kütärelüne nigezsez dip sanıy. Misal itep ul Äbi-patşa zamanında din irege, mädäniät irege birüneñ Rusiä däwläten tağın da nığıtuın kiterä. 30-nçı yıllarda Tatarstanda latin imlasın üzläşterüdä başqa millätlär öçen dä, däwlätçelek öçen dä zıyan salmadı. Tatarstannıñ latinğa küçüe Rusiäneñ tarqaluına kiterä digän qaraş nigezsez, tar, şovinistik qaraş dip sanıy yazuçı.

Bäyräm könne Tatarstan televideniesenä Mäskäwneñ “Вести” programmasınnan latinğa küçü temasına tapşıru öçen intervyuğa zakaz kilgän. Älbättä, äñgämäçelär latinğa küçüne yaqlap çığuçılar. Läkin “Вести” programmasınıñ xolqı Tatarstanğa qarata äle soñğı waqıtta üzgärep tora. Älege äñgämäne qaya taba borıp alırlar – bilgesez. Küptän tügel Qazanda yäşäwçe Firaya xanım Bawman uramında “Вести” programmasınıñ sorawlarına cawap birgän. Niqadär genä telägän fikeremne citkerergä tırışsam da, kire yaqqa cöpläp tordılar, di ul. Xäyer, tatarça belmägän, uqi almağan keşegä menä bu fikerne niçek añlatırğa soñ? Firaya xanım latinğa küçüneñ iñ töp säbäplären, bäxäsneñ başın iskä töşerä. Anıñça, kirill xärefläre belän tatar yazuın tatar telen bik kamil belgän keşe genä döres itep uqi ala. Bigräk tä yäş buın öçen döres itep tatarça uqırğa-yazarğa öyränü öçen latin qulaylı.
XS
SM
MD
LG