Accessibility links

Кайнар хәбәр

Kiläse yıl başında Yewropa Berlege ğäskärläre Makedoniädäge NATO tınıçlıq köçlären almaştıraçaq.


Bu Yewropa Berlegenä üz xärbi operatsiälären ütkärü öçen NATO planlaştıru resursların açu turındağı kileşü nigezendä eşlänä. NATO tarafınnan uzğan comğada xuplanğan bu kileşü Yewropa Berlegeneñ 60 meñlek citez xäräkät itüçän ğäskärlären buldıru niätlärenä yul aça. Yewropa Berlege ğäskärläreneñ berençe törkeme Makedoniädä urnaştırılır dip kötelä. Kiläse yılda Yewropa ğäskärläre Makedoniädäge 700-läp NATO xärbien almaştırırğa tieş. Yewropa Berlege şulay uq Bosniädäge NATO tınıçlıq köçlären dä almaştırırğa teläk belderde. Älege kileşü nigezendä Yewropa Berlege NATO-nıñ xärbi planlaştıru apparatın humanitar yäki tınıçlıq saqlaw operatsiälärenä çaqıra alaçaq, ämma ul operatsiälärdä NATO tulısınça qatnaşmayaçaq.
XS
SM
MD
LG