Prezident W.Putin Çeçnädäge xärbi köçlärneñ komandirın quıp cibärde. Şuluq waqıtta Çeçnädä tormışnıñ normalğa qaytuın däğwä itkän Kreml, parlamentnıñ respublikada ğädättän tış xäl kertü çaqıruın kire qaqtı. General polkovnik Gennady Troşev Sebergä cibärelü qararına qarşı çığıp , Çeçnädän yıraqtağı poçmaqlarğa quılğan komandirlarnıñ ozın isemlegenä quşıldı . Küplär generalgä Mäskäüneñ Çeçnädä vazğiätne ‘normalläşterü ‘ plannnarına kirtä dip qarıy. Mart ayında Çeçnä konstitutsiese turında referendum ütkärelergä tieş. Çärşämbedä Kreml süzçese S.Yastrjembski Mäskäü bälkim dä terror belän bäyläneşe bulmağan urta yulda toruçı çeçennnär belän söyläşülär alıp baraçaq dip äytkän ide. Kreml elbättä çeçnä mäsäläsendä kileşüçän, liberal bulıp kürenergä teli. Konflik säbäp bulğan säyäsi xakimiät häm finans eşlärennän faydalanğan xärbilär Kremlneñ bu mönäsäbäte belän ber dä kileşmi.
Sişämbedä general Troşevnıñ televidiniedä tapşırılğan ängämäsennän son saqlanu ministırı İvanov , generalneñ vazıyfasınnan buşaltıluın sorağan. İvanov Putin keşese, ölkän xärbilär aña ällä ni effektiv ministır dip qaramıy. General Ştab başlıgı Anatoly Kvaşninnıñ anı çitlätü öçen tırışlıq alıp baruı turında mätbuğatta yazmalar kürenä. Nezavisimaya Gazeta ütkän atnada generallärne almaştıru plannarı turında ‘Seberdä sörgän’ isemle mäqalä urnaştırğan häm Seber Xärbi Okrugınıñ citäkçese general Boldırevnıñ bu üzgäreşkä rizalaşqanın bilgesez çığanaqlarğa tayanıp äytkän ide . General Troşevnıñ televidiniedağı çığışına qädär bu turıda räsmi belderü yasalmadı . Ämma şunnan soñ, saqlanu ministırı, Kreml häm Däwlät Dumasınnan kisken reaksie buldı.
Pradox bulıp kürensä dä, bu 57yäşlek Troşevnıñ karierasın tizlätäçäk kebek .Tağı ber niçä yıl Çitada , Mäskäüdän 6meñ çaqırım yıraqta aktiv xärbi xezmättä bulu Troşevqa ällä ni kitermäs ide. Çitlätelü aña bik küp politik mömkinçeleklär birä. Çeçnädä tuğan geroy xärbi, tönyaq Kafkazda şaqtıy popular keşe. Ul Çeçnä prezidentlığı öçen yarışır digän tawışlar da işetelä. Däwlät Dumasında Çeçnä wäkile Aslanbek Aslaxanov süzlärençä bu idea turında söyläşelgän häm general dä kire qaqmağan.Ämma Troşev üze bu turıda älegä ber närsä dä äytmäde . Ul äle ike yıl elek kenä Ulyanowski gubernatorı bulıp saylanu öçen armiedän çıqqan general Vladimir Şamanovnı ‘xain’ dip atağan ide. Şamanovtan başqa da küp kenä generallär yaña poslarnı kire qağıp, politik kariera yasadı. Eduard Vorobyov 94-nce yılda Çeçnägä kergän federal köçlär belän citäkçelek itüne kire qaqtı, soñraq ul Däwlät Dumasına saylandı. Troşevtan elek Tönyaq Kafkazda torğan General-polkovnik Viktor Kazantsev da üzenä täqdim itelgän eşne kire qaqqan ide. Ul 2000nçe yılda könyaq federal okrugında prezident wäkile itep bilgelände.
Färidä Xämit, Praga.
Pradox bulıp kürensä dä, bu 57yäşlek Troşevnıñ karierasın tizlätäçäk kebek .Tağı ber niçä yıl Çitada , Mäskäüdän 6meñ çaqırım yıraqta aktiv xärbi xezmättä bulu Troşevqa ällä ni kitermäs ide. Çitlätelü aña bik küp politik mömkinçeleklär birä. Çeçnädä tuğan geroy xärbi, tönyaq Kafkazda şaqtıy popular keşe. Ul Çeçnä prezidentlığı öçen yarışır digän tawışlar da işetelä. Däwlät Dumasında Çeçnä wäkile Aslanbek Aslaxanov süzlärençä bu idea turında söyläşelgän häm general dä kire qaqmağan.Ämma Troşev üze bu turıda älegä ber närsä dä äytmäde . Ul äle ike yıl elek kenä Ulyanowski gubernatorı bulıp saylanu öçen armiedän çıqqan general Vladimir Şamanovnı ‘xain’ dip atağan ide. Şamanovtan başqa da küp kenä generallär yaña poslarnı kire qağıp, politik kariera yasadı. Eduard Vorobyov 94-nce yılda Çeçnägä kergän federal köçlär belän citäkçelek itüne kire qaqtı, soñraq ul Däwlät Dumasına saylandı. Troşevtan elek Tönyaq Kafkazda torğan General-polkovnik Viktor Kazantsev da üzenä täqdim itelgän eşne kire qaqqan ide. Ul 2000nçe yılda könyaq federal okrugında prezident wäkile itep bilgelände.
Färidä Xämit, Praga.