Accessibility links

Кайнар хәбәр

BMO belgeçläre fikerençä,Ğıraqnıñ qorallar turındağı deklaratsiäseneñ küpläp üterü qoralları täräqi itmäwen tulısınça isbatlamıy


BMOsı belgeçläre qaraşınça ,Ğıyraqnıñ qorallar turındağı deklaratsiese anıñ küpläp üterü qoralları täräqi itmäven tulısınça isbatlamıy. Hans Blix vä Moxämmäd ÄL Baradei İminlek Şurasına Ğıyraqtan ximik , biologik häm atom qoralları mäsäläsändä kübräk mäğlümät taläp itäçäklären belderde . AQŞ räsmiläre Bagdadnı aldaşuda ğäyepläp, İminlek Şurası rezolutsiesen ütäü öçen waqıt tulıp kilep dip belderde.

BMOnıñ küzläü, raslau vä inspeksielär komissiese räise Hans Blix belän Xalıqara Atom Energiese Agentlığınıñ direktorı Äl Baradei Bagdad älegäçä , ximik, biologik , atom häm ballistik raketalar programması turındağı möhim soraularnıñ töp elementlarına cawap qaytarmadı dip belderdelär. Alar Ğıyraqnıñ bu ay başlarında tapşırğan qoral deklaratsieseneñ zur öleşe elekege xisaplardan tora dip äyttelär. Oyışmanıñ yuğarıda äytep kitkän ike belgeçe pändeşämbedä İminlek Şurasına qoral deklaratsiese turında berençe märtäbä fiker beyan ittelär. Alar ğıynuarda detalleräk mäğlümät biräçäk. Äl Baradei jurnalistlarğa bolay dide: audioĞıyraq üzeneñ küpläp üterü qorallarına iä bulmawın isbatlau öçen eşneñ esası häm dälillär kiterü mäsäläsendä bezneñ belän kübräk xezmätäşlek itärgä tieş.Minemçä bu här ike yaq, bezneñ öçen dä alar öçen dä mäsälä bulıp tora .. Ägär dä alar östämä mäğlümät birsä, bezneñ eşebez qulaylaşır, tizläner ide. Bez ışanıçlıraq näticägä ireşer idek.

Hans Blix misal itep, Ğıyraqnıñ töğäl bulmağan antrax programmasın kiterde. Blix süzlärençä Bagdad meñnärçä litr antrax eşläp çığaru öçen qullanğan maddälärne yuq itüen ışanıçlı räveştä isbatlamağan, Ul hämmäsen yuq itüen beldersä dä, anıñ ber öleşen genä yuq itüe turında dälil bar. Ämma anıñ antrax eşläp çığaru öçen kiräkle materialnıñ hämmäsen yuq itkän buluın kürsätkän dälil yuq. Blix Bagdad bu turıdağı dokumentlar, yäki antraxnı yuq itü eşenä qatnaşqan şäxeslärneñ isemlegen birergä tieş dide . Hans Blix süzlärençä : audioDeklaratsiesädä küpläp dälil kiterü forsatınnan faydalanılmağan, ämma alar äle dä bezne tämin itä ala häm min alar teldän tämin itärlär dip ömed itäm, ämma deklaratsiedä bulsa yaxşıraq bulır ide. Blix İminlek Şurasına inspektorlar Farsı Qultığı suğışı waqıtında yuğalğan dip iğlan itelgän 550 miçkä garçitsa gazı , şulayuq nerva gazı turında kübräk mäğlümät tabırğa tırışa dip belderde. Ämma Saddam Xösäinneñ kiñäşçesı general Amir al –Saadi Ğıyraq deklaratsieseneñ legitim buluın belderep, AQŞ nıñ töğäl tügel digän ğäyepläülären kire qaqtı. Al Saadi süzlärençä: audioBolar hämmäse ğäyepläülär genä. Alar ğäyepläülärne yaqlau öçen ber genä konkret dälil kitermädelär. Alar söylärgä dävam itä .. bu spetsialistlarnıñ bäyäläüen aldan satıp alu omtılışı bulıp tora. Bez säyäsätçelärneñ genä söyläwen işettek. Bez tanılğan qoral expertlarınıñ bezneñ deklaratsie turında fikerlären işetmädek

AQŞ däwlät sekretarı Colin powell pändeşämbedä Waşingtonda Ğıyraq qoralsızlanu turındağı yöklämälären ütämi, xezmätäşlek itmi, aldıy ägär dä ul kiläse atnalarda da şulay dävam itsä , problemağa tınıç xäl çarası taba almayaçaqbız dip yañadı.

Russieneñ Bmosındağı wäkile Sergei Lavrov Russie, Ğıyraqnıñ küpläp üterü qoralları täräqi itterä digän ğäyepläülärgä äle dä şiklänep qarıy dip äytte. Lavrov bolay dide: audioBez Ğıyraq küpläp üterü qoralları programmasına dävam itä digän ğäyepläülär işetäbez. Bez bu turıda küp märtäbälär işettek ,ämma moñı isbatlağan dälillär kürmädek. Döresme yuqmı belmibez häm bez moñıñ professionällär tarafınnan raslanuın telibez.

İspektorlar xäzer Ğıyraq qoral belgeçläre belän intervyular ütkärergä tieş.Bagdad expertlarnıñ isemlegen birergä wäğdä itte. Quşma Ştatları kiräk bula qalsa belgeçlärne çit ilgä alıp çığıp intervyularğa başlauı öçen Blix-qa basım yasıy. Şwedsiele diplomat Ğıyraq belgeçlären çit ilgä alıp çığu ideasına ällä ni cılı qaramıy. Ul küptän tügel genä min ‘ qaçıp çığuçılar agentlığı ‘belän citäklämim dip äytkän ide . Ul iminlek şurasında da atnakiçtä, expertlarnı çit ilgä alıp çığu mäsäläse bik yaxşılap tikşerelergä tieş dip äytkän ide

Färidä Xämit, Praga
XS
SM
MD
LG