Qazanda Şığırdan yegete Ramil Miftaxetdinovnıñ Söyen, Söyenbikä dip atalğan audiokassetası yazdırılıp, säwdä çeltärlärenä taratıla başladı. Şığırdan säwdägärläre Zöfär Xalitov, Rinat Abdulvaleevnıñ, Äsxät Şämsetdinovnıñ häm Çuwaşstan tatar yäşläre üzäge prezidentı Marat Qaramanıñ matdi yärdäme belän çıqqan bu audiokassetada Ramil Miftaxetdinovnıñ üze icat itkän cırları urın alğan. Ä audio tasmanıñ isemenä kilgändä, Söyen, Söyenbikä dip ataluına säbäp, kassetada urın alğan Soyenbikä-Xanbikäneñ Qazanğa kilen bulıp töşüe turındağı cır.
