Seoul. Könyaq Koreyäneñ saqlanu säyäsäten yaqtırtqan ber basma, Tönyaq Koreyä belän suğış başlanğan oçraqta Amerika Quşma Ştatlarına töbäktä, östämä räweştä tağın 690 meñ ğäskäri urnaştıru kiräk bulaçaq dip yaza, bu Seoulda kiçä bäyän itelde. Şuşı faraz, Tönyaq Koreyä belän kilep tuğan soñğı wäzğiatkä qaramıy, ul äle, 1998-2002-nçe yıllar çorın analizlawğa qorılğan bulğan. Bügenge köndä Koreyä yarımutrawında 37 meñ amerikan ğäskärie tora. Bügen Seoulda, Könyaq Koreyäneñ tışqı eşlär ministrlığı, Tönyaqnıñ soñğı ğämälläre uñayınnan tuğan wäzğiatne tikşerü öçen Rusiä häm Qıtayğa üzeneñ maxsus wäkillären cibäräçägen xäbär itte.
