Accessibility links

Кайнар хәбәр

Qıtay Rusiä prezidentına qayğı urtaqlaşu xatı cibärde


Pekin, Mäskäw. Qıtay citäkçeläre isä ul arada, Çeçnä başqalasında bulğan şartlawlar häm anda keşelär ülü uñayınnan Rusiä prezidentı Vladimir Putinğa qayğı urtaqlaşu xatı cibärde. Qıtaynıñ Xinhua xäbärlär agentlığınnan alınğan mäğlümatqa qarağanda, üz xatında prezident Jiang Zemin, Rusiäneñ terrorçılarğa häm bülenep çığarğa teläwçelärgä qarşı alıp barğan suğışın yaqlawın, häm bu yaqlawnıñ kiläçäktä dä däwam itäçägen belderä. 11-nçe sintäbr waqiğälärennän soñ Qıtay, Könçığış Törkestandağı uyğır azatlıq xäräkäte äğzaların da terrorçılar dip iğlan itkän ide. Vladimir Putinneñ küptän tügel genä Pekingä yasağan säfäre barışında yaqlar, Rusiä häm Qıtaynıñ Çeçnä wä Könçığış Törkestan mäs’äläsendä ber qaraşta toruwın iğlan itte.
XS
SM
MD
LG