Accessibility links

Кайнар хәбәр

Tönyaq Koreyä tiräsendäge wäzğiatne çişügä Qıtay häm Rusiäne cälep itügä öndäwlär arta


Sydney. Australiäneñ tışqı eşlär ministrı Alexander Downer bügen Qıtay häm Rusiäne, Tönyaq Koreyäneñ atom omtılışların awızlıqlaw öçen eşkä üz tä’siren cigärgä öndäde. Ul şulay uq, Australiä xökümäteneñ şuşı krizisnı xäl itü maqsatında, canlı diplomatik eşçänlek alıp baruwın da äytte. Anıñ süzlärenä qarağanda, kiçä üzeneñ amerikan däwlät sekretare Colin Powell belän ütkärgän söyläşülärendä ul, Australiäneñ bu eşkä, Qıtay häm Rusiäne dä cälep itärgä teläwen beldergän, çönki alarnıñ Tönyaq Koreyägä basım yasaw mömkinlekläre kiñräk dip belderä Alexander Downer. Quşma Ştatlarnıñ räsmi wäkilläre dä, Bush idaräse Pxenyanğa diplomatik wä iqtisadi basımnı arttırırğa cıyına, bu üz çiratında, Tönyaq Koreyäneñ kommunistik xakimiaten tağın da izolätsiäläw eşenä, Mäskäw belän Pekinne dä cälep itüne küz aldında tota dip xäbär itä. Bu uñaydan, däwlät sekretare Colin Powell, diplomatiäneñ uñışlı ğına buluwın yäğni Tönyaq Koreyäne atom programmasınnan waz kiçterüwen kürü öçen Washington aylarşa kötärgä äzer, Quşma Ştatlar yanawlar belän Tönyaq Koreyä tiräsendä krizis tudırırğa telämi dip belderde. Berük waqıtta ul, amerikan yağınıñ, Pxenyan omtılışları uñayınnan bik borçıluwın, häm bar ixtimallarnıñ da açıq kileş qaluwın citkerde.
XS
SM
MD
LG