Accessibility links

Кайнар хәбәр

İran parlamentı şäxsi ireklek garantiälären rasladı


Tähran. İran parlamıntı bügen, xakimiat buwınnarında eşlägän bar räsmi wäkillärneñ, ayırım şäxeslär ireklegen bozuwı häm çikläwe öçen maxsus cawaplılıq kertkän qanun nigezen rasladı. Şuşı qanun, xäzer ğämäldä bulğanına östämä räweşendä qabul itelä, häm ul, räsmi wäkillär digän törkemgä, däwlät eşendä eşlägän bar xezmätkärlärne dä, şul isäptän, mäxkämä, iminlek köçläre, qanunçığarunı küzätü wäkillären dä kertä. Elek älege törkemdä, reformaçıl prezident Möxämmät Xatami citäklägän başqarma xakimiat xezmätkärläre genä ide. Xäzer qaralğan qanun, ğadi keşelärneñ xoquqların bozu öçen, räsmi wäkillärne, däwlät xezmätennän tıyunı, xätta ike aydan alıp 3 yılğa tiklem törmä cäzasına xökem itüne küz aldında tota. Xäzer şuşı qanun, soñğı ğämäl komitetına cibärelergä tieş. Läkin äle parlament tarafınnan raslanğan oçraqta da ul, saqçılar Şurası dip atalğan maxsus xäyät xuplawın alırğa tieş bulaçaq. Älege şura, bar qanunnarnıñ da İrannıñ konstitutsiäsenä häm islam nigezlärenä turı kilü-kilmäwen tikşerä. Äğzaların qadimi ruxanilär täşkil itkän şura yış qına parlament aşa ütkän qanunnarnı kire qağa.
XS
SM
MD
LG