Prezident G.Bush bez barlıq mömkinleklärne qullanaçaqbız, suğış in sonğı çara digän belderülär yasasa da , ütkän atna azağında Texastagı in zur armie bazasında 4meñ ğäskär aldında bolay dip äytkän ide: Saddam Xösäin qoralsızlanunı, dönya cämäğätçelegeneñ fikren kire qağıp, üz yazmışı turında qarar birsä, sez kemne dä ciñü öçen tügel ä Ğıyraq xalqın irekländerü öçen suğışaçaqsız .. Farsı Qultığında arta barğan ğäskär, awır qoral sanı AQŞnıñ zur äzerlek alıp baruın kürsätä. Düşämbedä Waşington Post yazuına qarağanda Ğıyraqqa yasaluı mömkin höcümdä AQŞnıñ cir öste köçläreneñ sanı 100meñne ütä ala. Bu köçlär bik zur texnik östenlek, mobilitetqa iä bulaçaq, alar havadan bik nıq yaqlanaçaq . Saqlanu ölkäsendäge ber räsmi gazetağa qorallı konfliktta mäqsat doşmannı ciñü tügel , ä doşmannıñ suğışu telägen yuq itü dip äytkän. Şulay AQŞnıñ 100meñ xärbie, Ğıyraqınıñ respublikan saqçılarına tiñ bulaçaq , alar yaqınça 80meñ Saddam Xösäinneñ mäxsus elita ğäskäriläre isä 15 meñ çaması. WP Ğyraqnıñ 300meñ xärbidän torğan regular armiese bar dip yaza. AQŞnıñ Farsı Qultığına ğäskär kiterüe ser tügel bu eş küptännän birle bara ämma , 27nçe ğıynuar,yäğni BMOsı qoral inspektorlarnıñ iminlek şurasına xisap tapşıru köne yaqınlaşqan sayın anda kilüçe ğäskär sanı arta , eşlär qızulana başladı. Raslanmağan mätbuğat xabärlärenä qarağanda AQŞnıñ mäxsus köçläre häm CİA törkemnäre indı yäşren räweştä Ğıyraqta urnaşqan da .
Russie AQŞnıñ BMOsı iminlek şurasınıñ raslauı bulmıy torıp, üz başına Ğıyraqqa höcüm itüenä qarşı. Saqlanu ministırı Sergei İvanov andıy xäl bula qalsa Russie moñı qanunsız häm aqlap bulmıy torğan akt dip bäyäliäçäk dide. İvanov süzlärençä Quşma Ştatlarınıñ Farsı Qultığında küpläp ğäskär kiterüe bälkim dä Bagdadqa pxixologik basım yasau mäqsatın quya ä bälkim dä ul çınlap ta suğışqa äzerlänä
Şul arada AQŞnıñ NATOdağı töp berektäşe häm alianstağı berdänber möselman il Törkie kürşese Ğıyraqtağı suğışnıñ säyäsi häm iqtisadi näticälärennän qurqa. Premier Abdulla Gül yäkşämbedä Şarm äl Şeyxta prezident Hösni Möbäräk belän Ğıyraq krizisına tınıç xäl çarası tabu, töbäkne yaña faciğädän saqlap qalu turında söyläşülär alıp bardı. Ankara suğış näticäsendä iqtisadınıñ yañadan zur zarar küräçägennän, Ğıyraqınıñ tarqaluınnan häm Ğıyraq kördläreneñ bäysez däwlät tözü omtılışınnan qurqa. Ul suğış bula qalsa töbäktäge här kem zarar küräçäk, bez azaqqa qädär suğış buldırmas öçen tırışırğa tieşebz dip äytte. Abdulla Gül Ğäräb ligası citäkçese Amr Mussa belän küreşkänçe şimbädä Syrie prezidentı belän Ğıyraq krizisı turında söyläşülär alıp bardı, Törkie Premire düşämbedä Yordanie başqalası Ammanda . Anda da söyläşülär üzägendä ğıyraq tora. Düşämbedä Törkie tışqı eşlär ministırı Yaşar Yaqış törkie cämäğätçelege Ğıyraq suğışı öçen ilebezdä meñnnärçä amerikan soldatınıñ urnaşıun qabul itmiäçäk dip äytte. Ankara suğış bula qalsa Waşingtonnı yaqlayaçağın räsmi räveştä beldermägän. Raslanmağan xabärlärgä qarağanda , AQŞ Törkiäneñ xärbi bazaların qullanırğa häm tönyaq Ğıyraqqa qulaylıq belän ütep kerü öçen törek territoriesendä ğäskär urnaştırırğa sorağan. Ministır Yaşar Yaqış Ğıyraq suğışın yaqlau turındağı qarar parlamentta raslanırğa tieş dip äytte , bu idea isä küp kenä deputatlar tarafınnan yaqlanmıy. Düşämbedä Prezident Saddam Xösäin armie köne uñayınnan yasağan çığışında Ğıyraq här törle suğışta ciñep çığaçaq çönki ğädellek bezneñ yaqta dip äytepBMO qoral inspektorların küzläü , şpionlıq eşläre alıp baruda ğäyepläde.
Färidä Xämit, Praga
Färidä Xämit, Praga