Evropada xezmәttәşlek hәm iminlek oyışmasınıŋ eşçәnlegendә tөp iğtibar watandaşlarnıŋ iminlegen tәemin itüğә yunәltelәçәk, dip belderde Hollandiәneŋ tışqı eşlәr ministrı Yaap de Xoop Sheffer. 1nçe ğınvardan başlap yartı yıl dәwamında oyışmada rәislek itüçe Hollandiәneŋ wәkile әytkәnçә, keşelәr terrorçılardan ğına tügel, üz xaqimiәtlәrennәn dә yaqlaw tabırğa tieş. Iŋ mөhim mәsәlәlәr rәtendә ul Çeçnyәne telğә aldı hәm oyışmanıŋ anda eşen tuqtuwına ükeneç belderde. Şeffer süzlәrençә, Mәskәw Evropada xezmәttәşlek hәm iminlek oyışmasınıŋ mandatına, oyışma qabul itә almaslıq üzğәreşlәrneŋ kertüen talәp itkәn.
