Accessibility links

Кайнар хәбәр

Ärmänstan Prezidentı Robert Koçaryan üzeneñ yaqın yardämçese Aleksan Harutiuniannı Ärmänstan däwlät televideniese häm radiosı başlığı itep bilgeläde.


Däwlät tele-radiosınıñ elekke citäkçese Tigran Naghdalian 28-nçe dikäbrdä Yerevanda säbäbe bilgesez räweştä üterelgän ide. Prezident Koçaryan anı üterüçelärne xökemgä tartu öçen mömkin bulğannıñ barısın da eşlärgä wäğdä birde. Ämma tikşerüçelär älege ber şikle keşene dä tapmadı. Ärmänstan televideniese häm radiosı ilneñ törle öleşlärenä iñ kiñ tapşırıla torğan quätkä iä häm ul kiläse ayda ütäçäk prezident saylawlarında ciñep çığarğa teläwçe Koçaryanğa bik zur yardäm kürsätä, anıñ köndäşlären bik qatı tänqitläw belän şöğellänä. Koçaryannıñ küptänge berektäşe Harutiunian 1999-nçı yılnıñ üktäbrendä Ärmänstan parlamentındağı terror höcümenä qatnaşı buluda şiklänelep qulğa alınğan ide. Ämma dälillär bulmaw säbäple 4 aydan soñ ul irekkä çığarıldı.
XS
SM
MD
LG