Trunov kiläse atnada Mäskäw mäxkamäse bu eşne qarağanda totıq aluçı çeçennar tarafınnan töşerelgän älege tasmanı kürsätäçäge turında äytte. Mäskäw xakimiätlären mäxkamägä birüçelär sanı bügen tağın 4-kä arttı. Şulay itep kompensatsiä taläp itüçelär sanı 49-ğa citte. Mäxkamägä birüçelär arasında elekke totıqlar da, Nord-Ost waqıyğasında hälak bulğannarnıñ tuğannarı da bar. Alar barısı bergä 50 million dollar çaması aqça taläp itä. Russiä xakimiätläre totıq aluçılarnı ütergändä qullanğan ağulı gaz 129 totıqnıñ da ğömeren özde.
