Tatarstan prezidentı Mintimer Şäymiev tä pänceşämbe könne säyäsi mäs'älälär belän şöğellände. Berençe qaraşqa, tarixi xaqiqätne tergezü, tarixi binalarnı çın xucalarına tapşıru inde küptän säyäsi problema tügel. Läkin soñğı waqıtta çirkäwlär tözü, elekkege çirkäwlärne ruxanilarğa qaytaru mäs’äläläre tağın ber qabat säyäsiläşterelde. Çallıda yaña çirkäw tözü probleması uñay xäl itelsä dä, Tatarstanda pravoslavlar mänfäğätläre qısıla digän höcümnär, basımnar däwam itä. Şulay mitropolit Kirill 5 ğinwarda RİA-Nowosti agentlığına Rus Pravoslav Çirkäweneñ 2002 yıl yomğaqları turında söylägändä, xristiannar häm möselmannar arasındağı mönäsäbätlärne tulayım alğanda tınıç dip bäyäläsä dä, Tatarstandağı wäzğıätne xristian-möselman mönäsäbätlärenä berdän-ber citdi yanaw dip beldergän. Şuña kürä 9 ğinwarda Tatarstan prezidentınıñ Qazandağı Kizik monastıyrena baruı häm anda Qazannıñ häm Tatarstannıñ Rus Pravoslav Çirkäwe wäkilläre belän älege monasterne tergezü mä’sälälären kiñäşüe säyäsi adım itep qabul itelä.
Älege monaster Qazanda 1692 yılda tözelgän. Ber yıldan monda Märmär diñgezeneñ Dardanell qultığındağı Kizik şähärendä borınğı zamannarda rimlılar tarafınnan ğazaplap üterelgän 9 xristian izgeläreneñ cäsädläre kiterelgän bulğan. Şulay monaster Kizik monastere dip yörtelä başlağan. Şunnarı soñ bu izge urında nekropol', yäğni zirat itep, Qazan gubernatorları cirlängän bulğan. Üktäber inqilabı, älbättä, izge urınnarnı, çirkäwlärne, mäçetlärne jällämägän. İnde 30-nçı yıllarda uq Kizil monastere dip yörtelgän kompleks cimerelep betkän diärlek. Berdän-ber isän qalğan binada xäzergäçä diärlek Qazannıñ Mäskäw rayonı xärbi komissariatı ide. Tizdän bu oyışma monnan küçäçäk. Mintimer Şäymiev Kizik monastere respublikanıñ baylığı, böten Rusiä öçen berdän-ber şundıy unikal' urın häm ul tergezeläçäk, dip belderde.
Älege monaster Qazanda 1692 yılda tözelgän. Ber yıldan monda Märmär diñgezeneñ Dardanell qultığındağı Kizik şähärendä borınğı zamannarda rimlılar tarafınnan ğazaplap üterelgän 9 xristian izgeläreneñ cäsädläre kiterelgän bulğan. Şulay monaster Kizik monastere dip yörtelä başlağan. Şunnarı soñ bu izge urında nekropol', yäğni zirat itep, Qazan gubernatorları cirlängän bulğan. Üktäber inqilabı, älbättä, izge urınnarnı, çirkäwlärne, mäçetlärne jällämägän. İnde 30-nçı yıllarda uq Kizil monastere dip yörtelgän kompleks cimerelep betkän diärlek. Berdän-ber isän qalğan binada xäzergäçä diärlek Qazannıñ Mäskäw rayonı xärbi komissariatı ide. Tizdän bu oyışma monnan küçäçäk. Mintimer Şäymiev Kizik monastere respublikanıñ baylığı, böten Rusiä öçen berdän-ber şundıy unikal' urın häm ul tergezeläçäk, dip belderde.
