Yaña yıl tatarstanlılar öçen sürprizlar kiterde. 12 ğinwardan cılılıqqa, utqa, fatirğa bäyälär yaqınça 25 protsentqa arttı. Bähälär sikerüenä ğäcäplänmäskä öyrängän bulsa da, xalıqnıñ küpçelege bu xäbärne validol eçep qabul itte. Xakimiät dairäläre, ğädättägeçä, yaratqan xalqın tınıçlandırırğa tırıştı. Yänäse, äle mondıy bäyälär dä toraq-könküreş çığımnarın tulayım anda yäşäwçelär cilkäsenä audaru maqsatına ireşergä irek birmi. Äle küräselär alda ikän. Toraq xucaların kiläçäktä tağın sürprizlar kötä. Çönki alar äle çığımnarnıñ nibarı 69 protsentın ğına qaplap kilälär ikän.
Ä inde servis mäsäläsenä kilgändä, eşlär iskeçä. Şıqsız podyezdlar, işek aldı tulı çüp-çarlar, salqın fatirlar -- barsı da üz urınında. Şuña kürä xakimiätneñ bu ölkädä servisnı yaxşırtu turındağı wäğdälären keşelär Yaña yıl äkiätläre kebek qabul itälär.
Transportçılar da yort qarawçılardan qalışmasqa tırışa. Yaqın arada avtobus, tramvay, trolleybuslarda yörü dä ber sumğa artaçaq dilär.
Damir Ğismetdin, Qazan
Ä inde servis mäsäläsenä kilgändä, eşlär iskeçä. Şıqsız podyezdlar, işek aldı tulı çüp-çarlar, salqın fatirlar -- barsı da üz urınında. Şuña kürä xakimiätneñ bu ölkädä servisnı yaxşırtu turındağı wäğdälären keşelär Yaña yıl äkiätläre kebek qabul itälär.
Transportçılar da yort qarawçılardan qalışmasqa tırışa. Yaqın arada avtobus, tramvay, trolleybuslarda yörü dä ber sumğa artaçaq dilär.
Damir Ğismetdin, Qazan
