Accessibility links

Кайнар хәбәр

Yaponiä premyer-ministrı Yunişiro Koizumi Mäskäwdä Russiä prezidentı Vladimir Putin belän oçraştı.


Putin bügenge oçraşuda Russiä-Yaponiä mönäsäbätläreneñ barlıq yaqları da qaraldı dide. Koizumi bez ber-berebezgä ike il arasında xezmättäşlekne däwam itterü niätlärebezene belderdek dip äytte. İke citäkçe alğa taba eş itü tärtiben bilgeläwçe 6 matdädän torğan plan imzaladı. Anda tınıçlıq kileşüe imzalaw mäs’äläse dä, yıraq könçığıştağı tabiği baylıqlar mäs’äläse dä qarala. Ämma bu plan täfsille tügel häm anda waqıt qısaları bilgelänmägän. Koizumu Russiä belän Yaponiä arasında Kuril utrawlarına bäyle nizağnı mömkin qädär tizräk çişärçä häm anan soñ tınıçlıq kileşüe imzalarğa çaqırdı. Kuril utrawları säbäple Tokyo belän Mäskäw İkençe Bötendönya Suğışınnan soñ tınıçlıq kileşüe imzalamadı.

Söyläşüdä qaralğan töp mäs’älärneñ berse Tönyaq Koreanıñ atom reaktorın eşlätä başlawı mäs’äläse buldı. Tönyaq Koreanıñ Atom Qoralların taratmaw turındağı xalıqara kileşüdän çığu qararına cawap bularaq Koizumi Tokio Pxenyannı bu qararınnan çigenergä çaqıra dide. Tönyaq Koreanıñ bu qararına Russiä tışqı eşlär ministrlığı süzçese Aleksand Yakovenko da tirän borçılu belderde.
XS
SM
MD
LG