Hirat ölkäseneñ mädäniät idaräse başlığı urınbasarı Möxämmätdin Fähim jurnalistlarğa xäzerge uqıtu ısulları dini häm mädäni qağidälärgä sıyışmıy dide. Anıñ äytüençä bu färmanğa buysınmawçı sıynıflar yabılaçaq. Hirat başlığı İsmail Xan şulay uq xatın qızlarğa ir-atlar belän ber binada uqunı da tıya. New-Yorkta urnaşqan Human Right Watch keşe xoquqların yaqlaw oyışması Xannıñ bu säyäsäte xatın-qızlarnıñ sotsial’, iqtisadıy häm säyäsi isolyatsiälänüenä kiterä dide. Bıltır Xan şähär restorannarında tuy mäclesläre uzdırunı tıyğan ide. Hirat töbägendä şulay uq xatın qızlarğa kiçen şähär baqçalarında yöru häm çit ir-atlar belän ber maşinada yörü dä tıyılğan.
