İrannıñ könyağında bulğan cir teträwe näticäsendä ike awıl tulısınça cimerelgän, dip xäbär itelä. İrannıñ räsmi İRNA xäbär agentlığı belderüendä äytelgänçä, kiçä bulğan teträwneñ däräcäse Rixter ülçäme belän 5 ball täşkil itkän. Kazerun şäxäre yanındağı ike awılda, yortlar tulısınça cimerelep betkän. Räsmilär äytüenä qarağanda, qorbannar yuq. Bu awıllarda niçä keşe yäşägäne xäbärdä äytelmi.
