Rusiä saqlanu ministrı İgor İvanov, Tönyaq Korea tiräsendäge qarşılıqnı xäl itü maqsatı belän, Mäskäw yaqın arada Pxenyanğa maxsus wäkilen cibäräçäk, dip belderde. İvanov süzlärençä, anıñ urınbasarı Aleksandr Losyukov bu mäsälädä söyläşülär alıp baru öçen Pekin, Pxenyan häm Waşingtonğa baraçaq. Quşma Ştatlarnıñ Rusiädäge ilçese Alexandr Verşbow Tönyaq Koreanıñ atom niätlären bastıru öçen, Mäskäwne Pxenyanğa iqisadi basım yasarğa çaqırdı. Qıtay räsmiläre Amerika-Tönyaq Korea söyläşülären üzlärendä ütkärergä teläk belderde. Tönyaq Koreanıñ räsmi xäbärlär agentlığı bügen wazğiätne barı tik Amerika belän turıdan-turı söyläşülär xäl itä ala dip belderde.
