Tawış birü Prağa sarayında Çex Parlamentınıñ ike palatasınıñ urtaq utırışında ütte. Şuşı ay axırında wazifasınnan kitäçäk prezident Vaclav Havel urınına 4 nazmät däğwa itte. Ciñü öçen här palatada tawışlarnıñ yartısınnan kübrägen cıyarğa kiräk ide. Berençe yäşeren tawış birüdä namzätlärneñ berse dä citärlek tawış cıya almadı. İkençe turğa elekke premier-ministr Vaclav Klaus häm xäzerge Senat räise Petr Pithard çıqtı. Berse – tübän, ikençese – yuğarı palatada iñ küp tawış aldı. (Qalğan ike namzät – elekke Yustitsiä ministrı Jaroslav Bureş häm komunist Miroslav Krijinecky ide.) İkençe turda Vaclav Kalus belän Petr Pithard yarıştı, läkin, bu yulı da, berse dä citärlek tawış qazana almadı. Şulay itep, öçençe tur ütäçäk.
