Opozitsiädäge partiälärneñ bügen ütkän matbuğat oçraşuında deputat Adaxan Madumarov üz saylawçıların referendumğa baykot belderergä çaqıraçağın äytte. Anıñ süzlärençä, bu referendum ilne “absolut monarxiägä” äyländerergä mömkin. Konstitutsion Mäxkämä räise Çulpan Baekova, täqdim itelgän üzgäreşlär watandaşlar, deputatlarnıñ mäxkämägä möräcğät itü mömkinlegen kimetä dip, referendumğa, şulay uq, tänqit belderde. Opozitsiä wäkilläre äytüençä, alarnıñ täqdimnäre kire qağılğan, ä yaña konstitusiä Akaevqa kiñ wäkälätlär biräçäk. Yaña üzgäreşlär nigezendä Akaev tağın ike 5-yıllıq möddätkä prezident bulıp qala alaçaq. Gärçä ul – 2005-tä kitergä wäğdä itkän ide.
