Xalıqara Atom Energiä Agentlığı başlığı Möxämmät Äl-Baradei, Tönyaq Korea üzeneñ iminlek häm energiä mäsälälären çişü öçen şantaj ısulların qullana, dip belderde. Anıñ süzlärençä, mondıy mäsäläne yanaw tügel, ä barı tik kileşü yulı belän xäl itep bula. Äl-Baradei andıy çişeleş tabılaçağına ömet belderde. Bu süzlären ul bügen Mäskäwdä, Rusiä räsmiläre belän bulğan oçraşudan soñ äytte. Tönyaq Korea belän yaxşı mönäsäbätlär totqan Mäskäw şimbä könne Pxenyanğa Tışqı eşlär ministrı urınbasarı Aleksandr Losyukovnı cibärä. Losyukov Tönyaq Koeanıñ tağın ber tarafdarı, Qıtayda da tuqtalış yasayaçaq.
