Accessibility links

Кайнар хәбәр

Törkiä Ğiraqqa qarşı suğışta üzeneñ öleşçä genä yardäm kürsätä aluwın belderä


Änkara. Törkiä bügen, Ğiraqqa qarşı xärbi çaralar kürelgän oçraqta, xätta moña İminlek Şurası fatixası alınsa da, üzeneñ çiklängän yardäm genä kürsätä aluwın belderde. Törek prezidentınıñ matbuğat wäkile Tacan İldem, bu Törkiäneñ Ğiraq belän bulğan tarixi bäyläneşläre, häm Törkiäneñ töbäktäge urını wä andağı role belän añlatıla dip äytte. Anıñ süzlärenä qarağanda, Berläşkän Millätlärneñ turıdan-turı xärbi çaralar kürüne küzdä totqan yaña qararın qabul itmi torıp, törek parlamentınıñ suğışnı yaqlawına ireşü bik awır bulaçaq. Germaniäneñ saqlanu ministrı Peter Struck ta, comğa könne Rheinpfalz basmasında dönya kürgän äñgämäsendä, Germaniäneñ İminlek Şurasında, Ğiraqqa qarşı xärbi çaralar kürüne yaqlap tawış birüwe xäl itelmägän dip belderde. Germaniä xökümäte wäkile, anıñ şuşı süzlären şäxsi fiker bularaq qına qabul itärgä kiräk dip äytte. Ul arada, 1991-nçe yılğı Farsı qultığı suğışınıñ 12 yıllığı uñayınnan yasağan çığışında Ğiraq prezidentı Saddam Xösäen, ilneñ qorallı köçläre bar doşmannarnı da Bagdadnıñ qapqaları aldında tar-mar itäçäk dip kisätte.
XS
SM
MD
LG