Accessibility links

Кайнар хәбәр

Mäskäwdä Tatar mäs’älälärenä bağışlanğan seminar uzdı


Rusiädä Tatar mäs’äläse. Menä şundıy isem astında pänceşämbe könne Rossiä fännär akademiäsendä daimi eşli torğan seminar açıldı. Anı oyıştıruçılar “Watanım” cämğiäte häm “Татарский мир” gäcite. Seminarnıñ maqsatları zurdan. Tatar tarixın, mädäniäten öyränü, millätebezneñ däwlätçelege, Rossiädäge federalizm. Kiläçäktä ğalimnär “Tatarlar häm islam”, tatarlar, törek dönyası häm “bügenge pantyurkizm”, “Qazannı yawlaw”, “tatar izüe” kebek çeterekle mäs'älälär buyınça da bäxäsläşerlär.

Şunısı da bar: xäzergä xätle tatar dönyası turında Mäskäwdä mondıy zur ğilmi däräcädä söyläşülär bulmağandır. Seminarnıñ Rossiä fännär akademiäsendä uzuı da, anda abruylı fänni institutlar direktorları qatnaşuı da Mäskäwdä tatar mäs’äläsenä iğtibarnıñ bermä-ber artuı turında söyli. Küräseñ, federal' üzäk tatar mäs’äläseneñ ütä çetrekle häm möhim buluın añlap, anı üz qulına alırğa cıyına.

Utırışnı “Watanım” cämğiäte räise Räsim Aqçurin, Rossiä fännär akademiäse vitse-prezidentı Nekinelov “Татарский мир” gazetası baş redaktorı Çurbanov alıp bardılar. Tatarstan respublikasınıñ Bötendönya tatar kongressınıñ Başqarma komitetı räise Rinat Zakirov, räis urınbasarı häm jurnalist Rimzil Wäliev, ğalim Damir İsxakov täqdir ittelär.
XS
SM
MD
LG