20 ğinwar – bik xikmätle kön. Berençedän, näq şul könne Tatarstan Däwlät Şurasınıñ Prezidium utırışında näq ber aydan, fevral'neñ 20-nçe könenä, Tatarstan parlamentınıñ plenar utırışı bilgelände. Bu utırışta deputatlar respublika prezidentınıñ yıllıq yullamasın tıñlayaçaq häm başqa aktual' mäs'älälär tikşeräçäk. Ä alar bik küp. Ağımdağı qaynar problemalardan başqa, Däwlät Sovetınıñ yazmışı, respublikanıñ xakimiät strukturası eşçänlege, parlamentnıñ yaña deputatların saylaw waqıtı turında da prezident üz fikerlären äytergä mömkin. Möğayın, bu saylaw Rusiä Dumasına saylaw belän beryulı – dikäber ayında bulır, dip sanala. Dimäk, xäzerdän ük, deputat bulırğa teläwçelär yögereşä başlıy. Äle deputat bulğannar, kiläçäktä nindi pozitsiädä qalır? Duma saylawlarında kem qaysı firqäne yaqlarğa tieş?
