Yevropa Berlege Rusiädä demokratiä häm cirle üzidaräne üsterü maqsatı belän yaña programma başlap cibärergä cıyına. YevroKomissiä wäkile Vincent Piket bügen Mäskäwdä ütkän matbuğat oçrağuında äytüençä, bu programmanıñ büdjetı 2 million dollar täşkil itäçäk. Anıñ töp maqsatı – ğadi keşelärneñ möxim cirle mäsälälär xäl itüdä qatnaşuın tä’min itkän mexanizmnar buldıru. Älege eksperiment Kaluğa, Penza, Ästerxan ölkäläre häm Tatarstanda ütäçäk.