Davosta Törkiä premyer ministrı Abdulla Gul Ankara üz xärbi bazaların Ğiraqqa qarşı höcüm başlarğa mömkin Amerikan xärbilärenä biräçäkme digän sorawğa bu turıda qararnı parlament çığaraçaq dip cawap birde.

Gül, küräseñ, BMOnıñ Ğiraqqa qarşı köç qullanu turında rezolütsiä qabul itü mömkinlegenä işarä itep, “monıñ xalıqara xoquqıy buluı bik möhim” dip äytte. Bügen Gül AQŞ däwlät sekretare Colin Powell belän oçraşa. Törkiä İqtisad ministrı Ali Babacan AQŞ xökümäte belän, suğışnıñ yaman iqtisadıy tä’sirenä qarşı çara bularaq Törkiägä finans yardäme turında söyläşülär ütkärüe turında belderde.