Accessibility links

Кайнар хәбәр

Russiä Prezidentı Vladimir Putin, Ğiraqta küpläp üterü qoralları ezläwçe BMO tikşerüçelärenä qomaçawlıq kürsätelgän oçraqta, Mäskäw Ğiraq mäs’äläsendäge pozitsiäsen qırıslatırğa mömkin dide.


Kiçä BMO qoral tikşerüçeläre citäkçelege BMO Iminlek Şurasında çığış yasap Ğiraq üzeneñ tıyılğan qoralları turında tulı, döres mäğlümät birüdän baş tarta digän ide. Putin Ğiraqqa qarşı çaralar BMO iminlek şurası tarafınnan xuplanğan bulırğa tieş dip äytte.

Londonda Britaniä Tışqı eşlär ministrı Jack Straw Ğiraqnıñ BMO taläplären ütäwe öçen waqıt betep kilä dide häm Bağdad öçen xäzer wäzğiät bik citdi bula bara dip östäde. AUDİO Tabışmaq häm uyınnar aşa ğına ber ilne dä tınıç yul belän qoralsızlandıru mömkin tügel. Monı bar tik Ğiraqnıñ tulısınça xezmättäşlek itüe belän genä tormışqa aşıru mömkin. Bu xakimiätneñ üz xolqın töptän üzgärtüe öçen waqıt az. Bez Säddam Xösäyengä häm Ğiraq xakimiätenä betmäs-tökänmäs aldawlarnı häm kiçekterülärne däwam itü mömkinlege birä almıybız.

Parijda Fransiä prezidentı Jacques Chirac häm Söğüd Ğärabstanı tışqı eşlär ministrı Saul äl-Faizal Ğiraq mäs’äläsen çişü öçen xärbi çaradan başqa barlıq mömkinleklärne qullanıp qararğı kiräk digän fiker belderde.

Germaniä kanslerı Gerhard Schroeder qoral tikşerüçelärgä üz eşlären tämamlaw öçen kübräk waqıt kiräk dide.

Yewropa Berlegendä xäzerge waqıtta prezidentlıq itüçe Gretsiä Ğiraq tınıç yul belän qoralsızlanu öçen bulğan mömkinlekne faydalanırğa tieş dip äytte.

Paqstan qoral tikşerüçelärgä üz eşlären däwam itü mömkinlege birergä çaqırdı.

Hindstan tınıçlıq koalitsiäsen Ğiraqqa qarşı suğış mömkinlegennän çitkä kitärgä öndäde.
XS
SM
MD
LG