Accessibility links

Кайнар хәбәр

Ukraina prezidentı Leonid Kuçma Bäysez Däwlätlär Berdämlege BDBnıñ citäkçese itep saylandı.


Bu wazıyfağa anı Russiä prezidentı Vladimir Putin täqdim itte. Elek Sovetlar Berlegendä bulğan 12 däwlätne üz eçenä aluçı bu oyışmanı moñarçı barı tik Russiä prezidetnları ğına citäklägän ide. Putin Kuçmanı başqa däwlätlär başlıqları belän kiñäşläşmiçä genä täqdim itüen belderde. Berdämlekne härwaqıt Russiäneñ citäkläp kilüe bälki bu oyışmanı köçsezländergänder, dide Putin. BDB däwlätläre başlıqlarınıñ Kievta ütkän oçraşuında Ukraina, Russiä, Belarus, Azärbäycan, Moldova, Gruziä, Tajiqstan häm Ärmänstan prezidentları qatnaştı. Qazaxstan, Törkmänstan, Qırğızstan häm Üzbäkstan prezidentları oçraşuğa üzläreneñ wäkillärene genä cibärde.
XS
SM
MD
LG