Accessibility links

Кайнар хәбәр

Tatar ädäbiatı kafedrasın bıltırğı fänni eşçänlekne yomğaqladı


Şuşı könnärdä Qazan däwlät universitetı kafedralarında uzğan yılda başqarılğan fänni eşçänlekne yomğaqlaw konferensiäläre uza. Tatar ädäbiatı kafedrasına qarağan konferensiädä tatar ädäbiatı häm xalıq awız icatı üseşe, bügenge köndäge torış üzençälege mäs’älläre tikşerelde.

Kereş süzdä kafedra mödire professor Xatıyp Miñneğulov yıl näticälären äytep uzdı. 2002 yıl däwamında kafedra nigezendä tulı äzerlek ütep 2 kandidatlıq dissertatsiäse yaqlanğan, başqa fänni oyışmalarğa ğilmi kadrlar äzerläwdä yardäm kürsätelgän. Fänni ezlänülär näticäsendä törle matbuğat çaralarında 70 mäqälä basılğan häm 7 kitap näşer itelgän.

Professor Rezeda Ğänieva isä, möselman Şärıq ädäbiatında ülem fälsäfäsenäse turındağı fikerlären äytep ütte. Matbuğatta Musa Cälil häm “cälilçe”lärgä bäyläp yazılğan, küptörle bäxäslär uyatqan, “Tatarlar yılmayıp üldelär” mäqäläsendäge fikerlären İslam dine täğlimätlarına, xädislärenä häm päyğämbärlär tarixına, Şärıq häm ğäräp ädäbiatı traditsiälärenä nigezlänep isbatladı. Ğömumän alğanda, konferensiä qızıqlı häm faydalı uzdı dip bäyäläde anda qatnaşuçılar.

Landış Xarrasova. Qazan
XS
SM
MD
LG