Küptän tügel Yewropa Berlegeneñ statistika agentlığı Eurostat Çexiä statistika idaräneñ tışqı säwdä mäğlümätläre turındağı xisabında zur xatalar tapqan ide. Çexiä idaräse 2002-nçe yılnıñ iyül-noyäbr ayındağı tışqı säwdä eşçänlegenä qarağan xisabında 1 milliard dollarğa yalğışqan bulıp çıqtı. Bu xata Çexiäneñ iqtisadıy kürsätkeçlären, şul isäptän, tışqı säwdä defitsitın bozğan. Xökümät citäkçeläre bu xata däwlät büdjetına häm bu yılnıñ iqtisadıy üseş farazlarına da tä’sir itte dip belderä.
