Accessibility links

Кайнар хәбәр

…häm Tatarstandağı wazğiät turında


İnde xäbär itkänebezçä, uzğan atnada Tatarstan Yuğarı mäxkämäsendä Rusiä general' prokurorı urınbasarı Zvyaginsevneñ qanunnarnı täñgälläşterü häm Tatarstan Däwlät Şurasın täñgälläşterü mäcbürilege turındağı mäxkämä qararların ütäwdän çitläşüendä ğäyepläwe eşlären tikşerü däwam itte. Bu oçraşunıñ xisabı tağın “ничья”, yäğni berkem faydasına da tügel digän näticä belän tämamlansa da, alda ciñügä ömet yuq ikäne açıq. İnde Däwlät Şurasına möddätennän alda saylawlar häm qaysı firqälär, äytik “Единая Россия” kebek firqälärneñ süze, yäğni farazan isemlege ütemleräk bulaçağı da açıq kürenä. Çirattağı plenumı aldınnan bu wäzğıätne ictimaği üzäk citäkçelege niçek bäyäli soñ?

Audio. Milli respublikalarğa häm anda yäşäwçe töp millätlär mänfäğätlärenä höcüm barğan wäzğıättä ictimaği üzäk haman da tatarnı berläşterü maqsatında eşli. Saylawlarda qatnaşu xoquqı bulğan firqälärgä kerä almasa da, milli xäräkät territorial' nigezlektän çığarıluçı nämzätlär arasında milli mänfäğätlärne yaqlawçı keşelärne saylaw öçen eş alıp baraçaq.

Şulay itep, 8 fivralgä täğäyenlägän plenum aldınnan ictimaği üzäk xäzerge qatlawlı xalıqara, ğomümrusiä wäzğıätendä qiblasın üzgärtmi, ul tatar xalqın berläşterü, anıñ tarixi watanınıñ däwlätçelege şıtımnarın nindi genä räweştä bulsa da saqlap qalırğa tırışa.
XS
SM
MD
LG