Bez kürgän närsälär mäğlümatı bulmağan kiñ cämäğätçelekkä suğışnı aqlaw öçen genä kürsätelä dip belderä Ğiraq prezidentınıñ fänni kiñäşçese, ildäge qoral inspektorları belän eşläwçe Ämir äl-Saadi. Quşma Ştatlar däwlät sekretare Colin Polwellnıñ İminlek Şurasındağı çığışın ul, tatarça itep äytkändä, ber kämitkä tiñläde häm anı ğädäti ber amerikan tamaşası dip atadı. Powell çığışınnan soñ inde 2 säğät ütü belän Bagdadta maxsus matbuğat oçraşuwı oyıştırıp äl-Saadi Waşingtonnıñ Ğiraqnı faş itkän dälillären beräm-beräm kire qağarğa tırıştı. Amerikannarnıñ ike Ğiraq xärbi citäkçese arasındağı söyläşüne yazıdırıp aluwın ul, andıy yazmanı xäzer öçençe däräcäle teläsä nindi yäşeren xezmät tä eşli ala, alar çın tügel häm yasalma dip bäyäläde. Bilgele bulğança, anda süz, xalıqara inspektorlar kiler aldınnan şikle cihazlarnı yäşerü turında bara. Äl-Saadi süzlärenä qarağanda, Ğiraq xärbiläre bu xaqta ğomumän söyläşä almıy, çönki Ğiraqta xalıqara cämäğätçelektän yäşererlek berni dä yuq, dimäk andıy söyläşü öçen dä nigez yuq. Britaniädä belem alğan äl-Saadi üzeneñ matbuğat oçraşuwındağı çığışın, Powell tösle ük bik osta häm dälille itärgä tırıştı, azaqta xätta Quşma Ştatlarnıñ däwlät sekretaren, Berläşkän Millätlär inspektorlarına ışanıçnı qaqşatırğa tırışuda ğäyepläde. Waşingtonnıñ qoral inspeksiälärenä inde bik ışanmıy, suğış ixtimalın alğa sörüwe sürätendä räsmi Bagdad kiresençä üzendäge BMO küzätüçeläre belän xezmättäşlekne arttıru turında süz alıp bara. Däwlät sekretare Powellnıñ çığışınnan soñ Ğiraqnıñ Berläşkän Millätlär Oyışmasındağı wäkile Möxämmäd äl-Douri, bez qoral küzätüläre belän näticäle räweştä xezmättäşlek itügä tuğrı bulıp qalabız, bez monı alar kire Ğiraqqa qaytqannan birle şulay eşlibez dip belderde.
Audio
Ğiraq wäkile şulay uq, xalıqara inspeksiälärgä ışanıçnı kimetkän ğäyepläwlär uylap çığarası urınğa Powell alarğa tınıç qına eşläw mömkinlegen birsä ide dip belderde. Amerikan däwlät sekretareneñ Saddam xakimiaten faş itkän çığışına Ğiraq inde yaqın kiläçäktä ük üzeneñ täfsilleräk cawap äzerläyäçägen äytte, älegä ul İminlek Şurasına amerikannar tarafınnan täqdim itelgän dälillärne yalğan, nigezlänmägän, çınbarlıqqa turı kilmägän dip kire qağu belän genä çiklänä. Äl-Saadineñ Powell çığışın kämit dip bäyäläwe inde äytelgän ide, Ğiraqnıñ mäğlümat ministrı Möxämmäd Säyet Sähäf amerikannar bäyän itkän iyärçen sürätlären ğomumäm multfilm dip atadı. Tışqı eşlär ministrı Naci Sabri da Berläşkän Millätlärnıñ general’ sekretare Kofi Annanğa häm İminlek Şurasınıñ bar 15 äğzasına da, Colin Powell çığışına Ğiraqnıñ räsmi cawabın yullarğa cıyına.
Kärim Kamal, Praga.
Audio
Ğiraq wäkile şulay uq, xalıqara inspeksiälärgä ışanıçnı kimetkän ğäyepläwlär uylap çığarası urınğa Powell alarğa tınıç qına eşläw mömkinlegen birsä ide dip belderde. Amerikan däwlät sekretareneñ Saddam xakimiaten faş itkän çığışına Ğiraq inde yaqın kiläçäktä ük üzeneñ täfsilleräk cawap äzerläyäçägen äytte, älegä ul İminlek Şurasına amerikannar tarafınnan täqdim itelgän dälillärne yalğan, nigezlänmägän, çınbarlıqqa turı kilmägän dip kire qağu belän genä çiklänä. Äl-Saadineñ Powell çığışın kämit dip bäyäläwe inde äytelgän ide, Ğiraqnıñ mäğlümat ministrı Möxämmäd Säyet Sähäf amerikannar bäyän itkän iyärçen sürätlären ğomumäm multfilm dip atadı. Tışqı eşlär ministrı Naci Sabri da Berläşkän Millätlärnıñ general’ sekretare Kofi Annanğa häm İminlek Şurasınıñ bar 15 äğzasına da, Colin Powell çığışına Ğiraqnıñ räsmi cawabın yullarğa cıyına.
Kärim Kamal, Praga.