Accessibility links

Кайнар хәбәр

Germaniä raketalarğa qarşı Patriot sistemaların Törkiägä Hollandiä aşa cibärä


Germaniä saqlanu ministrı Peter Struck Germaniä Törkiägä “patriot” isemle raketalarğa qarşı sistemalarnı Hollandiä aşa kitertergä niätli, dip belderde. Patriot cihazaları Germaniädän Hollandiägä, soñınnan Törkiägä kitäçäk. Germaniäneñ suğış bulğan xäldä Törkiägä yardäm kürsätmiäçägen isäpkä alıp raketalarğa qarşı sistemalarnı Hollandiä ğaskärläre eşlätäçäk. Törkiägä yardäm kürsätergä qarşı çıqqan däwlätlärneñ berse Belgiä, NATOnıñ bu turıda qarar qabul itüenä qarşı çığaçağı turında belderde. Bu xaqta Berlgiäneñ holland telle VRT televideniäsenä Belgiä tışqı eşlär ministrı Louis Michel belderde. Kiçä Amerika Quşma Ştatları saqlanu ministrı Donald Rumsfeld, Fransiä, Germaniä häm Belgiäneñ NATO äğzası bulğan Törkiägä höcüm yasalğan xäldä yardäm itüennän baş tartuı-saqlanu berlegeneñ nigezlären qaqşata, dip äytkän ide. Michel süzlärenä qarağanda, Amerika Quşma Ştatlarnıñ suğış başlau öçen üz säbäpläre bar.
XS
SM
MD
LG