İsraeldän kilgän xäbärlärgä qarağanda Gaza sızığındağı yähüd awılı yanında 3 qorallanğan fälestinle atıp üterelgän. Gush Katif awılına kergändä tikşerü noqtası yanına kilep tuqtağan maşinadan İsraelneñ iminlek köçlärenä ut açılğan. Soñınnan maşina timer qoymağa bärelep şartlağan. İsrael ğaskärläre soñınnan şartlau bulğan cirdä 3 fälestinleneñ mäyetlären tapqan. 4 İsrael xärbie yaralanğan dip xäbär itelä. Soñğı 2 yıl eçendä töbäktä 2 933 keşe häläk bulğan. Alarnıñ 2 188e-fälestinnär häm 689 yähüdlär.
