Accessibility links

Кайнар хәбәр

Bügen Germaniä belän Niderland Qabulnı saqlawçı 4200 keşelek Xalıqara İminlek Yardäme Köçläre, yäğni İSAF citäkçelegen räsmi räweştä üz qullarına aldı.


İSAFnı iyün ayınnan birle citäklägän Törkiä generalı Akin Zorlu Äfğänstan başqalasında tantanalı räweştä citäkçelekne Germaniä generalı Norbert van Heystqa häm Niderland generalı Robert Bertholeeğa tapşırdı. Aldağı 6 ayda Bertholee İSAF başlığı van Heystnıñ urınbasarı bulaçaq. Bu tantanada Äfğänstan Prezidentı Xämit Karzai, Germaniä saqlanu ministrı Peter Struck, Niderland saqlanu ministrı Benk Korthals häm Törkiä saqlanu ministrı Sabahutdin Çakmakoglu da qatnaştı. Karzai älege çarada çığış yasap bolay dide.

AUDİO: Xäzer citäkçelekne Germaniä belän Niderland ala. Min alar bu eşne Britaniä generalı McCool häm Törkiä generalı Zorlu kebek ük yaxşı başqarırlar dip uylıym häm min Germaniä belän Niderland citäklägän yaña idarä Qabuldağı tınıçlıqqa häm iminlekkä zur öleş kertäçäk dip isäplim.

İSAF Berläşkän Millätlär Oyışması wäkaläte belän 2001-nçe yılda oyıştırıldı. İSAF köçläre älege wäkalät nigezendä barı tik Qabulnı ğına saqlıy. İSAF ğäskärläre kiterelgännän soñ Qabul iminräk urın sanalsa da, başqaladan çittä yış qına törle atışlar, törkemara bäreleşlär bulıp tora.
XS
SM
MD
LG