Tatarstan Däwlät Şurası Prezidiumı utırışında XIV plenar sessiäsenä äzerlekneñ barışı tikşerelde. Sessiäne uzdıru 20 fevral'gä bilgelängän. Kön tärtibenä 52 mäs'älä kertelgän. Şularnıñ iñ möhime – Tatarstan Prezidentınıñ parlamentqa Respublikanıñ eçke häm tışqı xäle turındağı yıllıq yullaması. Tatar-inform xäbär itkänçä, kitap räweşendä näşer itelgän şuşı dokument Prezidium utırışı aldınnan deputatlarğa tapşırılğan.
Soñğı arada Qazan Kremlendä oşbu yullama östendä bik qızu eş bardı. Ğädättä, älege dokumentta tozı da, borıçı da, şikäre dä ülçäp salına. Respublikanıñ iqtisadı da, säyäsi yunäleşläre dä zur sınawlar astında bara. Qayber möhim sorawlarğa bez 20 fevral'dä Prezident awızınnan cawap işeterbez kebek. Härxäldä, Däwlät Şurasınıñ yazmışı alda torğan saylawlar kebek küplärne borçığan mä’sälälärgä açıqlıq kerteler.
Xäzergä kön tärtibennän Tatarstanda atom stansiäsen tözüne däwam itterü kebek ber möhim mäs’äläneñ töşep qaluı iğtibarğa layıq. Mäğlüm ki, Ministrlar Kabinetı ike atna elek parlamentqa bu tözeleşne tuqtatu turındağı 1990 yılda deputatlar tarafınnan qabul itelgän tıyunı ğämäldän çığarunı sorap möräcäğät itkän ide. Häm menä kinättän borılış: şul uq xökümät bu mäs’äläne kön tärtibennän alunı sorıy.
Küräseñ, iqtisadıy säbäplär genä rol' uynamağandır. 2003-2004 yılğı saylawlarnı iskä töşerep, xökümätneñ xalıq arasında populyar bulmağan ğämällärne çitkäräk quyıp “potomğa” qaldırıp toruı añlaşıla.
Soñğı arada Qazan Kremlendä oşbu yullama östendä bik qızu eş bardı. Ğädättä, älege dokumentta tozı da, borıçı da, şikäre dä ülçäp salına. Respublikanıñ iqtisadı da, säyäsi yunäleşläre dä zur sınawlar astında bara. Qayber möhim sorawlarğa bez 20 fevral'dä Prezident awızınnan cawap işeterbez kebek. Härxäldä, Däwlät Şurasınıñ yazmışı alda torğan saylawlar kebek küplärne borçığan mä’sälälärgä açıqlıq kerteler.
Xäzergä kön tärtibennän Tatarstanda atom stansiäsen tözüne däwam itterü kebek ber möhim mäs’äläneñ töşep qaluı iğtibarğa layıq. Mäğlüm ki, Ministrlar Kabinetı ike atna elek parlamentqa bu tözeleşne tuqtatu turındağı 1990 yılda deputatlar tarafınnan qabul itelgän tıyunı ğämäldän çığarunı sorap möräcäğät itkän ide. Häm menä kinättän borılış: şul uq xökümät bu mäs’äläne kön tärtibennän alunı sorıy.
Küräseñ, iqtisadıy säbäplär genä rol' uynamağandır. 2003-2004 yılğı saylawlarnı iskä töşerep, xökümätneñ xalıq arasında populyar bulmağan ğämällärne çitkäräk quyıp “potomğa” qaldırıp toruı añlaşıla.
