Bu könnärdä Musa Cälilneñ tuğan köne xörmätenä qayber çaralar ütkärelä. Bıyılğı Cälil könnärenä şağirneñ qızı Çulpan Cälilova kilde, ul Gor'ki uramındağı Cälil muzeenda cämäğätçelek belän oçraştı. Ämma bu yulı Cälil häm Moabit däftärläre teması artıq kiñ yañğıramadı. Çönki ber ük şimbä könendä Şalyapin isemendäge Xalıqara opera festivale tämamlanu, Zur konsertlar zalında İlham Şakirovnıñ näq tuğan könenä täğäyenlängän icat kiçäse mäşäqätne bik arttırğan.
