Ğiraq räsmiläre äytüençä, BMOnıñ qoral inspektorları bügen 10 urında tikşerülär ütkärgän. Şul isäptän, Bagdadtağı 4 raketa citeşterü şirkätendä häm Äl-Taci’dağı ber xärbi şirkättä. Monnan tış alar Äl-Mothana’da, elekke ximik qoral şirkätendä häm başqalada, azıq-tölek şirkätendä bulğan. Kiçä, BMOnıñ süzçese Hiro Ueki, inspektorlar, distälägän Äl-Samud raketasın häm 380 raketa motorların terkäw belän şöğellänä digän ide. Qısqa arağa oça torğan Äl-Samud-2, Sovet çorında citeşterelgän Scud’larnıñ üzgäretlgän variantı bulıp tora. Uzğan comğada yasağan xisabında, baş inspektor Hans Blix, bu raketalarnı tıyılğan, dip atağan ide.
