Ğiraqta tikşerü eşläre alıp barğan BMO inspektorları bügen raketa citeşterü şirkätendä, Äl-Samud 2 raketaların terkäw eşen däwam itte. Bu raketalarnıñ, Ğiraqqa röxsät itelgän 150 çaqırımnan yırağraq oça alğanı açıqlannan soñ, baş inspektor Hans Blix, alarnı yuq itergä taläp iter, dip kötelä. Ğiraq räsmiläre, raketalar tieşle aradan yıraq oça almıy, sınaw waqıtında alarğa idarä sisteması quyılmağan bulğan, dip aqlana. Şuşı atnada Amerikan häm Britan räsmiläre İminlek Şurasına Ğiraq mäsäläsendä yaña rezolutsiä kerter, dip kötelä. Qabul itelgän xäldä, bu qarar Ğiraqqa qarşı köç qullanuğa yul açaçaq.
