Accessibility links

Кайнар хәбәр

İgor İvanov: Mäskäw, Tönyaq Korea belän Quşma Ştatlar arasında turı dialog urnaştırırğa äzer


Rusiä tışqı eşlär ministrı İgor İvanov, Mäskäw, Tönyaq Korea belän Quşma Ştatlar arasında turı dialog urnaştırırğa äzer dip belderde. Uzğan yıl räsmi Pxenyan, üzeneñ atom programmasın yañartıp cibäräçägen äytkän ide. Bu xäbärdän soñ Quşma Ştatlar Tönyaq Koreağa yärdämen tuqtattı. Xäzer Pxenyan, sanksiälär kertelgän oçraqta, 1953-nçe yılda tözelgän kileşüdän dä çığaçağın belderä. Bu kileşü, 50-nçe yıllar başındağı Korea suğışına noqta quyğan ide.

Ul arada Pxenyan, 114 ildän torğan Quşılmağan däwlätlär Xäräkätenä möräcägät itep, kiläse atnada Malayziada ütäçäk sammitta, Quşma Ştatlarğa tänqit belderergä çaqırdı.
XS
SM
MD
LG