Töştän soñ parlament utırışında tağın ber kötelmägän xäl bulıp aldı. Däwlät Şurası räiseneñ urınbasarı Robert Minnullin tele-radiotapşırular buyınça federal' konkurs komissiäsenä Tatarstan parlamentınnan wäkil itep “Эфир” telekompaniäse citäkçese Andrey Grigoryevnı täqdim itte. Xalıq deputatı Tufan Minnullin Grigoryev yaxşı keşeder, ämma Tatarstan mänfäğätlären Mäskäwdä deputat Ramil Galiev tağın da yaxşıraq yaqlar ide, dip yaña täqdim kertte. Däwlät Sovetı räise Färit Möxämmätşin däğwäçını da tawışqa quydı. Häm näticädä küpçelek tawış belän Ramil Galiev ciñep çıqtı. Şulay itep, Andrey Grigoryev töşep qaldı. Gärçä tawış birer aldınnan Qazan şähär Sovetı räise urınbasarı Lyudmila Andreeva deputatlarnı Grigoryevnı yaqlarğa öndägän bulsa da. Närsä bu? Deputatlarnıñ “Эфир” telekompaniäsenä qaraşımı, ällä yalqınlı Tufan Minnullinnı tıñlap, citäkçelek täqdimenä üç itep tawış birüeme? Ä bälkem, soñğı ayların parlamentta utırğan deputatlarnıñ qul seltäweder.
Äytergä kiräk, Mintimer Şäymiev yullamasın uqıp çığıp kitkäç, zal ber küpme buşap qalğan ide. Tawış birgändä dä ğädättä tärtip totqan deputatlar Däwlät Dumasındağı kollegaların xäterlätep, berniçä keşe öçen beryulı töymälärgä bastılar.
Äytergä kiräk, Mintimer Şäymiev yullamasın uqıp çığıp kitkäç, zal ber küpme buşap qalğan ide. Tawış birgändä dä ğädättä tärtip totqan deputatlar Däwlät Dumasındağı kollegaların xäterlätep, berniçä keşe öçen beryulı töymälärgä bastılar.
