Küwäyt. Farsı qultığındağı şuşı il bügen xäwef xälendä – irtägä anda däwlät bäyräme, ä çärşämbedä 12 yıl elek Küwäytne Ğiraq ğäskärlärennän azat itü köne bilgelänä. İldä barlığı xäwef yanawnıñ 4 däräcäse bar, bügen iğlan itelgän öçençe däräcä, ildäge qorallı köçlärneñ, sivil saqlanunıñ häm däwlät sağınıñ 80 protsentı öçen mömkin höcümnärgä äzer toru xälen kertüne añlata. Xökümät şulay uq, töbäktäge wäzğiatneñ qatlawlı buluwı säbäple jurnalistlarnıñ çik buyı säfärlären dä tuqtatıp torırğa buldı. Bolar barısı da, Ğiraq üzeneñ Küwäyt belän çiklärendä raketalar urnaştırdı digän xäbärlär sürätendä eşlände. Şul mäğlümat yäkşämbedä Germaniäneñ Frankfurter Allgemeine Zeitung basmasında dönya kürgän ide. Säfär belän Küwäytkä kilgän britan saqlanu ministrı Geoffrey Hoon bügen üzeneñ, Ğiraqnıñ şuşı ğämälläre uñayınnan nıq borçıluwın belderde. Küwäyt yağı bu xäbärne älegä raslıy almawın äytä.
