Accessibility links

Кайнар хәбәр

Mäğlüm serb millätçese üze teläp Haagtağı xalıqara mäxkämä qarşına basarğa buldı


Haag. Mäğlüm serb millätçese Vojislav Şeşel üze teläp Haagtağı xalıqara mäxkämä qarşına basarğa buldı, xäzerge waqıtta ul şul mäxkämäneñ Haag yanındağı totqarlaw üzägendä totıla. Elekke Yugoslaviä cirlärendä qılınğan suğış cinayätlären tikşerü öçen qorılğan älege mäxkämäneñ matbuğat wäkile Christian Chartier, Şeşel bügen irtän, Belgradtan oçıp kilde dip belderde. Serbiäneñ ütä-millätçel Radikal partiäsen citäklägän Vojislav Şeşel, Balkan suğışları waqıtında, Bosniädä, Xorvatiädä, häm Serbiäneñ Vojvodina öleşendä keşeçelekkä qarşı häm xärbi cinayätlär qıluda şiklänelä. Ul üze bu ğäyepläwlärne kire qağa häm anıñ Haagqa ixtiari kilüwe dä şunıñ belän añlatıla. Yäkşämbe kiçen ul Belgradta, Haagqa kitär aldınnan 10 meñläp tarafdarı aldında yalqınlı çığış yasadı. "Min Haagqa, Serb Radikal partiäseneñ 10 meñnän artıq tarafdarı wäkile bularaq baram, häm min anda bar serb qaharmannarın häm serb xalqı ireklege öçen köräşkän suğışçıların wäkillek itäçäkmen" di serb millätçese Şeşel. Anıñ eşen qaraw könen mäxkämä älegä bilgelämäde.
XS
SM
MD
LG