Accessibility links

Кайнар хәбәр

Rusiä Qazağstannıñ üz Kaspi flotın buldıru niyätenä häm torbaütkärgeçlärne diñgez töbennän ütkärügä qarşı çığa


Baku. Kaspi buyı illäreneñ Azärbaycan başqalasındağı oçraşuwında qatnaşqan Viktor Kalyujnıy, Rusiä tışqı eşlär ministrınıñ urınbasarı häm Kaspi eşläre belän mäşğül maxsus wäkile, Mäskäw Qazağstannıñ şul diñgezdä üz xärbi flotın buldıru niyätlärenä qarşı çığa dip belderde. Anıñ süzlärenä qarağanda, şuşı problemanı näq menä xäzer kütärü ber dä urınlı tügel. Kalyujnıy Bakuda şulay uq, Kaspi diñgezeneñ statusı turında äzerlängän yaña küpyaqlı kileşüdä, şul töbäktä yaña qorallı köçlär qorunı bötenläy küz aldında totmıy dip belderde. Qazağstan tışqı eşlär ministrınıñ berençe urınbasarı Qayrat Äbüsäitov isä, yaña zamança häm citez diñgez flotı Qazağstanğa yaña yanawlarğa, berençe çiratta terrorğa qarşı köräş öçen kiräk, anı qoru Kaspi tiräsendäge illärneñ bersenä dä yanamayaçaq dip äytte. Viktor Kalyujnıy şulay uq Rusiäneñ, Kaspi töbe buylap torbaütkärgeçlär saluğa da qarşı buluwın äytte, ul Mäskäw andıy plannarnı tıyu yulın ezliäçäk, bu äylänä-tirä moxitkä zur zian kiterä ala dip belderde. Qazağstan üzendäge Aqtaw şähärennän torbaütkärgeçne turıdan-turı Bakuğa, Rusiäne çitlätep suzu plannarın tikşerä başlağan ide.
XS
SM
MD
LG