Accessibility links

Кайнар хәбәр

Rusiä faydasına küzläw eşläre alıp baru öçen Azärbaycan öç watandaşın törmä cäzasına xökem itte


Baku. Biredäge mäxkämä, Azärbaycannıñ öç watandaşın Rusiä faydasına küzläw eşläre alıp baruda ğäyeple dip taptı häm alarnı törmä cäzasına xökem itte. Şularnıñ ikese – Säyär Axundov häm Sergey Namazov 11 yılğa, öçençese Mubariz Axundov 10 yılğa törmägä yabıldı. Ğäyepläw yağı birgän mäğlümatqa qarağanda, şuşı keşelär äle 80-nçe yıllar başında uq sovetlarnıñ küzläw xezmätläre tarafınnan yallanğan bulğan, läkin alar 1991-nçe yıldan soñ, yäğni Azärbaycan bäysezlek qazanğannan soñ da Rusiä küzläw oyışmaları belän eşläwen däwam itkän. Ğäyepläw yağı, xökem itelgän şuşı 3 keşe Mäskäwgä, Azärbaycannıñ qorallı köçläre, säyäsi partiäläre häm ilneñ neft industriäse wä bu ölkädäge kileşüläre turında möhim mäğlümat tapşırıp torğan dip belderä.
XS
SM
MD
LG