Tatarstan yäşläre gäzite «SSSRğa qıstalu» digän yazmasında geo-säyäsi üzgäreşlär xaqında farazlar qora:
Toram-toram da, xatınnıñ qolağın boram digändäy, unike yıl elek öç slavyan däwläte liderları Belovejyeda cielışıp, SSSRnı taratqannar ide, inde bügen kilep ör-yañadan tuplanırğa mataşalar,
- digän süzlär belän başlana älege yazma. Şuşı niätkä xäzer törki respublika, Kazaxstan da quşıldı. Bu tärräqqıätne xäbärçe bolay añlata:
Gärçä berläşergä niätlägän dürtlek üz ğämälenä hiçnindi säyäsi tösmer salmasa da, AQŞnıñ bezneñ tirägä yışraq küz atuwı, ayırım alğanda Ukrainanı, Kazaxstannı üze öçen iqtisadıy häm xärbi cirlek itep qarıy başlawı, kiçäge SSSRdaşlarnı, itäk-ciñnären cıyıştırıp, bergäräk torırğa mäcbür itä axrı.
Soñınnan gäzit xäbärçese bu berläşüneñ barı tik iqtisadıy mänfäğätlärdän çığuın iskärtä. Yazma şulay tämamlana:
Belgeçlär fikerençä, SSSR räweşendä berläşü bütän bulmayaçaq. Alay da, dürt däwlätneñ Yevropa Berlege kebek ber tübä astında tığız iqtisadıy «mäxäbbät» qoçağına kerüwe ixtimal. Härwaqıttağıça, niätlär süzdä genä qalmasa, bilgele...
Zölfia Kamalova konsertı şimbä könne ütsä dä, anıñ konsertına reaksiä äle genä kürenä başladı. İskändär Siraci Tatarstan yäşläre gäzitendä «Avstraliädä tatar sağışı» isemle yazmasında konsertta alğan tä’sirlär belän urtaqlaşa. Avtor anı Tatarstan artistları belän çağıştıra, Zölfiä şulay uk, konsertnı waqıtında tügel, ä 15-20 minutqa soñarıp başlağan ikän. Ä menä säxnägä çıqqaç, ayırma sizelä, di ul:
Berençedän, bezneñ estradağa xas moqıtlıq, maymıllanu yuq añarda. İkençedän, ixlaslılıq, säxnädä üzen ciñel häm tabiği totu, artistizm bar... Ä inde başqaru sälätenä kilgändä, Zölfiä bik üzençälekle. Ul eşkärtkän tatar cırları «Kübälägem – tügärägem», «Ätiem yortında», «Ay bılbılım...» cırları Avstraliä xitparadına ni öçen berençe urınnarda barğanı xäzer añlaşıla, alarda sağış bar.
Şul uq waqıtta, İskändär Siraci, Zölfiäneñ cırların çın mäğnäsendä tatar cırları dip atap bulmıy, digän bäyä birä:
Min konsert barışında üzemne äle İrlandiä yäki Şotlandiädä, äle papuaslarnıñ qorıltayında kebegräk xis ittem. Bu toyğını Afrikadan kilgän kalinba, borınğı uyın qoralı kaluka, irland qurayı, küp törle perkussiälär, Avstraliä aborigennarınıñ tamtamı bezdäge ğädäti udarnik urının aluı tağı da köçäytte... Ä inde meñnärçä çaqrımnan fonogramma ğına alıp kilmiçä, tere orkestrğa quşılıp cırlawı, ğomumän, soqlanırlıq küreneş.
Bikä Timerova, Qazan
Toram-toram da, xatınnıñ qolağın boram digändäy, unike yıl elek öç slavyan däwläte liderları Belovejyeda cielışıp, SSSRnı taratqannar ide, inde bügen kilep ör-yañadan tuplanırğa mataşalar,
- digän süzlär belän başlana älege yazma. Şuşı niätkä xäzer törki respublika, Kazaxstan da quşıldı. Bu tärräqqıätne xäbärçe bolay añlata:
Gärçä berläşergä niätlägän dürtlek üz ğämälenä hiçnindi säyäsi tösmer salmasa da, AQŞnıñ bezneñ tirägä yışraq küz atuwı, ayırım alğanda Ukrainanı, Kazaxstannı üze öçen iqtisadıy häm xärbi cirlek itep qarıy başlawı, kiçäge SSSRdaşlarnı, itäk-ciñnären cıyıştırıp, bergäräk torırğa mäcbür itä axrı.
Soñınnan gäzit xäbärçese bu berläşüneñ barı tik iqtisadıy mänfäğätlärdän çığuın iskärtä. Yazma şulay tämamlana:
Belgeçlär fikerençä, SSSR räweşendä berläşü bütän bulmayaçaq. Alay da, dürt däwlätneñ Yevropa Berlege kebek ber tübä astında tığız iqtisadıy «mäxäbbät» qoçağına kerüwe ixtimal. Härwaqıttağıça, niätlär süzdä genä qalmasa, bilgele...
Zölfia Kamalova konsertı şimbä könne ütsä dä, anıñ konsertına reaksiä äle genä kürenä başladı. İskändär Siraci Tatarstan yäşläre gäzitendä «Avstraliädä tatar sağışı» isemle yazmasında konsertta alğan tä’sirlär belän urtaqlaşa. Avtor anı Tatarstan artistları belän çağıştıra, Zölfiä şulay uk, konsertnı waqıtında tügel, ä 15-20 minutqa soñarıp başlağan ikän. Ä menä säxnägä çıqqaç, ayırma sizelä, di ul:
Berençedän, bezneñ estradağa xas moqıtlıq, maymıllanu yuq añarda. İkençedän, ixlaslılıq, säxnädä üzen ciñel häm tabiği totu, artistizm bar... Ä inde başqaru sälätenä kilgändä, Zölfiä bik üzençälekle. Ul eşkärtkän tatar cırları «Kübälägem – tügärägem», «Ätiem yortında», «Ay bılbılım...» cırları Avstraliä xitparadına ni öçen berençe urınnarda barğanı xäzer añlaşıla, alarda sağış bar.
Şul uq waqıtta, İskändär Siraci, Zölfiäneñ cırların çın mäğnäsendä tatar cırları dip atap bulmıy, digän bäyä birä:
Min konsert barışında üzemne äle İrlandiä yäki Şotlandiädä, äle papuaslarnıñ qorıltayında kebegräk xis ittem. Bu toyğını Afrikadan kilgän kalinba, borınğı uyın qoralı kaluka, irland qurayı, küp törle perkussiälär, Avstraliä aborigennarınıñ tamtamı bezdäge ğädäti udarnik urının aluı tağı da köçäytte... Ä inde meñnärçä çaqrımnan fonogramma ğına alıp kilmiçä, tere orkestrğa quşılıp cırlawı, ğomumän, soqlanırlıq küreneş.
Bikä Timerova, Qazan