Tatar cırı yazmışı zıyalılarıbıznı härdaim borçıp tora. Çönki cır, telebez kebek ük, milli sıyfatlarıbıznıñ iñ möhim ber öleşe. Tatar keşese awır çaqlarında da, şatlıqlı könnärendä dä cır belän yuanıp, qanatlanıp yäşi. Tatar cır sänğäte bügen nindi xalättä? Kapitalizmğa küçkän çorda ul nindi üzgäreşlär kiçerä? Bu citdi sorawlarnı pänceşämbe kiç Bötendönya tatar kongressı qarşında eşläp kilüçe tatar jurnalistları klubında ber törkem zıyalılarıbız kütärdelär.
“Tatarstan yäşläre” gazetası xäbärçese Flera Nizamova, yazuçı-satirik Almaz Xämzin, kompozitor Wäis Bäyrämov, Aqsaqallar şurasınnan Rafail' Sal'muşev, Waqif Galimov, Bernard Kasıymov, jurnalist İskändär Siraci älege temağa borçılıp söyläştelär. Tatar cırına bağışlap uzdırıla torğan konkurslarda teläsä kem, teläsä nindi cır başqara, yış qına alarnı “şındır-mındır” ber könlek cırlar, dip bäyäläp bula. Andıy konkurslar yış qına biznes mänfäğätlären istä totıp qına uzdırıla. Xalıqnıñ zäwığın kütärmi, kemneder bayıtsa da, cır sänğäten, kiresençä, yarlılandıra. Klub utırışında çığış yasawçılar cırlarnı iläw, saylaw, alarnı bäyäläw kriteriyların buldıru, şul cähättän icat şuraların oyıştıru turında da fiker alıştılar.
İñ usal çığışlarnıñ berse jurnalist İskändär Siracinıqı bulğandır.
Audio: Siraci bügenge cır sänğäten moqıtlar sänğäte dip bäyäli, cırçılar moñsız-köysez bulsalar da, ärsezlekläre arqasında säxnägä kütärelälär, kassetalar yazdıralar.
Älege jurnalist fikerençä, qayber cırçılar säxnädä kübräk tozsız notıqlar, oyatsız mäzäklär söyläp, tamaşaçığa oşarğa tırışalar. Yäş cırçılarnı tatar cırınıñ neçkäleklären öyrätü, alarnı milli ruxta tärbiäläw citmi.
Jurnalistlar zur-zur taşlarnı mädäniät ministrlığı baqçasına da audardılar. Klubta uzğan söyläşüdä ministrlıqnıñ häm anıñ şuşı sänğät belän şöğellänüçe oyışmaları, keşeläre bulmawın iskä alıp, qäläm iäläre pänceşämbedäge utırışnı barı tik berençe adım, dip bäyälädelär. “Kiläçäktä bu xaqta tağın ber zur kiñäşmä uzdırıp, tieşle näticälär yasarğa kiräk”, - didelär klub äğzaları.
“Tatarstan yäşläre” gazetası xäbärçese Flera Nizamova, yazuçı-satirik Almaz Xämzin, kompozitor Wäis Bäyrämov, Aqsaqallar şurasınnan Rafail' Sal'muşev, Waqif Galimov, Bernard Kasıymov, jurnalist İskändär Siraci älege temağa borçılıp söyläştelär. Tatar cırına bağışlap uzdırıla torğan konkurslarda teläsä kem, teläsä nindi cır başqara, yış qına alarnı “şındır-mındır” ber könlek cırlar, dip bäyäläp bula. Andıy konkurslar yış qına biznes mänfäğätlären istä totıp qına uzdırıla. Xalıqnıñ zäwığın kütärmi, kemneder bayıtsa da, cır sänğäten, kiresençä, yarlılandıra. Klub utırışında çığış yasawçılar cırlarnı iläw, saylaw, alarnı bäyäläw kriteriyların buldıru, şul cähättän icat şuraların oyıştıru turında da fiker alıştılar.
İñ usal çığışlarnıñ berse jurnalist İskändär Siracinıqı bulğandır.
Audio: Siraci bügenge cır sänğäten moqıtlar sänğäte dip bäyäli, cırçılar moñsız-köysez bulsalar da, ärsezlekläre arqasında säxnägä kütärelälär, kassetalar yazdıralar.
Älege jurnalist fikerençä, qayber cırçılar säxnädä kübräk tozsız notıqlar, oyatsız mäzäklär söyläp, tamaşaçığa oşarğa tırışalar. Yäş cırçılarnı tatar cırınıñ neçkäleklären öyrätü, alarnı milli ruxta tärbiäläw citmi.
Jurnalistlar zur-zur taşlarnı mädäniät ministrlığı baqçasına da audardılar. Klubta uzğan söyläşüdä ministrlıqnıñ häm anıñ şuşı sänğät belän şöğellänüçe oyışmaları, keşeläre bulmawın iskä alıp, qäläm iäläre pänceşämbedäge utırışnı barı tik berençe adım, dip bäyälädelär. “Kiläçäktä bu xaqta tağın ber zur kiñäşmä uzdırıp, tieşle näticälär yasarğa kiräk”, - didelär klub äğzaları.
